काठमाडौँ – करिम अदेयेमीको निर्णायक गोलमा यूईएफए च्याम्पियन्स लिगको अन्तिम १६ को पहिलो लेगमा बोरुसिया डर्टमुन्डले चेल्सीलाई हराएको छ। डर्टमुन्डको घरेलु मैदानमा बुधबार राति भएको खेलको ६३औँ मिनेटमा करिमले गरेको गोल नै डर्टमुन्डका लागि निर्णायक बन्यो।
खेलमा पाहुना टोली चेल्सीले गोल गर्ने थुप्रै अवसर सिर्जना गरे पनि घरेलु टोलीले कुनै गल्ती गरेनन्। र, घरेलु मैदानमा जित दर्ता गरे। लेगको दोस्रो खेल अब चेल्सीको मैदानमा ७ मार्चमा हुनेछ। अघिल्लो चरण पुग्नका लागि चेल्सीलाई स्पष्ट जितको खाँचो छ। डर्टमुन्डले यही लय कायम राख्न सके अन्तिक ८ मा स्थान सुरक्षित गर्नेछ। गएराति नै भएको अन्तिम १६ को पहिलो लेगमा बेन्फिकाले क्लब क्लब ब्रुग्सलाई २–० गोल अन्तरले हराएको छ।