पोखरा – सहारा क्लब पोखराले सातौँ संस्करणको पोखरा स्पोर्ट्स अवार्ड–२०७९ लाई सहयोग गर्ने भएको छ । सहारा क्लब पोखराका अध्यक्ष हरिराम गुरुङ ‘सुरज’ र नेपाल खेलकुद पत्रकार मञ्च गण्डकीका अध्यक्ष दीननाथ बरालबीच आज सम्झौतापत्रमा हस्ताक्षर भएको हो ।
सम्झौताअनुसार सहाराले पोखरा स्पोट्र्स अवार्डअन्र्तगत उदीयमान वर्ष खेलाडीको पुरस्कार प्रायोजन गर्ने भएको मञ्चका अध्यक्ष बरालले जानकारी दिनुभयो । उदीयमान खेलाडीको पुरस्कार नगद रु ३५ हजार रहेको छ ।
हस्ताक्षर कार्यक्रममा सहारा क्लब पोखराका पूर्वअध्यक्ष वीरभद्र आचार्य, मञ्चका उपाध्यक्ष सुरज श्रेष्ठ, सचिव शशीकुमार पौडेल, सदस्य सुर्दशन रञ्जितलगायतको उपस्थिति थियो । सहारा क्लबले यसअघिका संस्करणमा पनि सोही विधाको पुरस्कार प्रायोजन गर्दै आएको थियो ।
आगामी वैशाख २३ गते पोखरा सभागृहमा हुने पोखरा स्पोर्ट्स अवार्ड, २०७९ कार्यक्रममार्फत मञ्चले लाइफटाइम अचिभमेन्ट अवार्ड, वर्ष खेलाडी पुरुष, वर्ष खेलाडी महिला, उदीयमान खेलाडी, उत्कृष्ट प्रशिक्षक, उत्कृष्ट खेल सङ्घ र उत्कृष्ट खेल पत्रकारलाई अवार्ड वितरण गर्ने मञ्चका सचिव पौडेलले बताउनुभयो ।