काठमाडौं – इर्लिङ हालान्डको ह्याट्रिकसहित बर्नलीलाई ६ गोल गर्दै म्यान्चेस्टर सिटीले सहज जित निकालेको छ। सिटीले ६ गोल गर्दा बर्नलीले त्यसको एउटै जवाफी गोल गर्न सकेन। बर्नलीलाई पराजित गरेसँगै सिटी एफ ए कपको सेमिफाइलमा प्रवेश गरेको छ।
इतिहाद स्टेडियममा हालान्डले पाँचौँ दिनमा दोस्रो ह्याट्रिक गरेका हुन्। यसअघि च्याम्पियन्स लिगमा आरबी लाइपजिगलाई हराउँदा उनले ५ गोल गरेका थिए। पछिल्लो सिजनमा उनले ४२ गोल गरे पुर्याएका छन्। नर्वेजियन हालान्ड प्रिमियर लिगका सबै प्रतियोगितामा सबैभन्दा बढी गोल गर्ने रुड भान निस्टेलरोय र मोहम्मद सलाहको संयुक्त कीर्तिमानभन्दा दुई गोल पछि छन्।
सिटीका लागि जुलियन अल्भारेजले दुई गोल थपे। वैकल्पिक खेलाडी कोल पाल्मरले एक गोल आफ्नो नाममा गराए। वर्नलीले पहिलो हाफमा राम्रो खेल प्रस्तुत गरेपनि हालान्डका अघि उनका खेलाडी चल्न सकेनन्। सात सिजनमा पेप गार्डियोलाको नेतृत्वमा रहेको सिटीको छैटौं पटक सेमिफाइलनमा उपस्थित हुनेछ।।