काठमाडौं – विश्वकप क्रिकेटको क्वालिफायरमा छनोट हुन सफल क्रिकेट टोलीलाई दशरथ रंगशालामा सम्मान गरिएको छ। रंगशालामा जारी सहिद स्मारक ए डिभिजन लिगका बीच एन्फाले कार्यक्रम आयोजना गरी क्रिकेट खेलाडीहरूलाई सम्मान गरेको हो।
कार्यक्रममा सांसद प्रदीप पौडेल र काठमाडौँ महानगरपालिकाका प्रमुख बालेन्द्र शाह र एन्फाका अध्यक्ष पंकज नेम्वाङले नेपाली राष्ट्रिय क्रिकेट टोलीका खेलाडीलाई खादा, मालासहित सम्मान गरेका हुन्।