काठमाडौँ – प्रधानमन्त्री थ्री नेसन्स कपमा लाओसले भुटानमाथि संघर्षपूर्ण जीत हासिल गरेको छ । शनिबार भएको खेलमा लाओस २–१ गोलले विजयी भएको हो । बोउनफाचान बोउनकोङले खेलको तेस्रो मिनेटमा नै लाओसलाई अग्रता दिलाएका थिए । तर, ३४ औँ मिनेटमा चेन्छो ग्येल्त्सेनले भुटानका लागि बराबरी गोल फकाए ।
दोस्रो हाफको ७१ मिनेटमा बोउनकोङले दोस्रो गोल गर्दै टोलीलाई पुनः अग्रता दिलाए । त्यसपछि कुनै गोल हुन सकेन र लाओसले खेल आफ्नो पक्षमा पार्न सफल भयो । पहिलो खेलमा लाओस नेपालसँग पराजित भएको थियो ।