काठमाडौं । स्पानिस ला लिगाको शीर्ष स्थानमा रहेको बार्सिलोना आइतबार राति गेटाफेसँग गोलरहित बराबरीमा रोकिएको छ । बार्सिलोनाले सबैखाले प्रतियोगितामा गोल नगरेको यो लगातार तेस्रो खेल हो । गेटाफेको मैदानमा भएको खेलमा राफिन्हा र अलेजान्ड्रो बाल्डेको प्रहार पोष्टमा लागेको थियो । बराबरीपछि पनि बार्सिलोनाले दोस्रो स्थानको रियल मड्रिडमाथि ११ अंकको अग्रता बनाएको छ ।
बार्सिलोनाको २९ खेलबाट ७३ अंक छ । समान खेलबाट रियलको ६२ अक छ । गेटाफे २९ खेलबाट ३१ अंकसहित १५औं स्थानमा छ । ला लिगाकै अर्को खेलमा एन्टोनी ग्रीजमनको दुई गोलमा एट्लेटिको मड्रिडले अल्मेरियालाई २-१ ले पराजित गरेकोछ । ग्रीजमनले पाँचौ र ४३औ मिनेटमा गोल गरे । एट्लेटिकोकै जोस मारिया जिमिनेजले एक आत्मघाती गोल गरेका थिए । एट्लेटिको २९ खेलबाट ६० अंकसहित तेस्रो स्थानमा छ ।